يشكل هاشتاج #افتحوا_الزيارة بوابة لغالبية أسر المعتقلين بسجون الانقلاب لاسيما سجن العقرب الممنوع من الزيارة لخمس سنوات مضت، فبات الوسم راصدا لآلام أبناء وأمهات حرموا من لقاء ذويهم بسبب تعنت الانقلابيين ومحاولاتهم كسر إرادة الصامدين بحرمانهم من أدنى حقوقهم (الزيارة).
آخر هذه التغريدات عبر الهاشتاج كانت لدعاء صبحي صالح ابنة صبحي صالح المحامي المعروف وعضو لجنة صياغة الإعلان الدستوري 2011، ونائب الشعب فنشرت صورة والدها مع ابنها وكتبت "دي كانت آخر صورة لبابا مع عمر ابني في يونيو ٢٠١٣ كان وقتها عنده ٤ سنين و نصف تقريبا ، عمر دلوقتي قرب على ١٤ سنة!! بابا مايعرفش شكله بقه ازاي ، يمكن لو شافه أصلًا مش هيعرفه ..بابا ممنوع من الزيارة من 5سنين مش بنشوفه و لا بيشوفنا و لا نعرف عنه أي حاجه ".

وما زالت السلطات تعتقل النائب السابق والمحامي "صبحي صالح موسى" داخل سجن العقرب، وهو في الـ 67 عاماً في زنزانة انفرادية منذ 9 سنوات ممنوعاً من التريض والشمس والزيارة ومعرفة أخبار أسرته وسائر أبسط حقوق السجناء.
وأشارت دعاء في تغريدة سابقة إلى أن "1800 يوم على آخر مره زرنا فيها بابا في #سجن_العقرب"، لافتة إلى أن أبيها "محبوس احتياطي من 2013، قانون تنظيم السجون بيسمحله بزيارة كل أسبوع .. واحنا -وكل السجن- ممنوعين من حوالي 5 سنين!".

والأحد 6 فبراير الجاري، ألقت سَارَة صَقْر @SaraKhaledSaqr تحية على والدها المعتقل خالد صقر "صباح الخير يا بابا ..يا رب تكون بخير..9 سنين اعتقال ..5 سنين بدون زيارة ..استودعناك الله الذي لا تضيع ودائعه..".
وفي تغريدات سابقة كتبت في واحدة "صباح الخير يا بابا ..يا رب يكون امبارح كان يوم سهل عليك ..يا رب تكون بخير ..ربنا يثبتك ويربط على قلبك ويئذن بالفرج ويجمعنا على خير …".

وكتبت ياسمين حازم ابنة د. حازم فاروق، نقيب أطباء الأسنان السابق ونائب الشعب المحبوس سجن العقرب، في ‏١٧ يناير‏2022، "صباح الخير عليك يا بابا.. أتتمت اليوم عامك ال٥٧ و منه ٩ سنوات في غياهب السجن.. و منذ أكثر من خمس سنوات لا نعلم عنك شيئا .. الكلام ثقيل و الوجع مرير.. أود لو أنك معنا .. ننعم بقربك الدافئ و حضنك الحنون و ابتسامتك الرائعه.. كل عام و أنت الي الله أقرب و علي طاعته أدوم و من الجنة أدني و أقرب و عن النار أبعد و أقصي و لسنه نبيه الزم.. صغيرتك تشتاق إليك .. حسبنا الله و نعم الوكيل".
واشارت في تغريدة سابقة على الهاشتاج نفسه، "و منذ خمس سنين أصبحنا نعرف اخبار أبي من الأخبار او من افواه الظالمين !.. أبي و حبيبي و سندنا في هذه الدنيا لا نعلم عنه شيئا  !.. حاليا نقرأ في الاخبار عن عن نقلهم لسجون أخري.. هل صحيح !.. متي تم نقلهم !.. هل تم نقلهم حقا !.. كيف حاله !.. كيف صحته !.. هل معه ما يكفيه ما يقيه البرد !.. و لا نعلم اي شي.. سوي أنه وديعه الله و أن الله لا تضيع ودائعه.. #انقذوا_معتقلي_العقرب #افتحوا_الزيارة".

أما تقى أحمد دياب ابنة الأكاديمي د.أحمد دياب الأستاذ بكلية الألسن "هو بأي حق تمنعني اشوف ابويا ٥ سنين !!!.. تحت اي مسمي الل بيحصل فينا ده ..".
أما مروة زيد (Marwa Zaid) فكانت زوجة معتقل أشارت إلى أنها لا تصدق حجم الانتهاكات التي تحدث معه ومعها، "مش قادرة اصدق .. اخر مرة شوفت فيها عبدالرحمن من سنتين بالظبط .. كانت اخر زيارة روحتها زي امبارح من سنتين. ولما رجعت كنت تعبانة ومقبوضة جدا رغم انه كانت معنوياته في السما وكان وشه زي البدر وكان عمال يملي عينه مني..  واقوله مش هتقولي عملتي ايه في الحادثة يقولي طز في الحادثة مش انتي كويسة .. اقوله طيب مش هتقولي عملتي ايه في العربية يقولي طز في العربية مش انتي كويسة..اطيب قلب واجدع زوج واحن انسان على وجه الارض ..  كان جميل قوي بس رجعت مقبوضة .. وكإن قلبي كان حاسس انها اخر مرة ومش عارفة داخلين على ايه .. مكنتش متخيلة اننا هنتحرم من بعض سنتين وياعالم لحد امتى.. بس عادي والله مش مسامحين .. محتسبين الاجر عند الله ومش مسامحين في حقنا. .. هنقف قدام واحد واحد يوم،القيامة وهناخد حقنا والحق هيبقى غالي قوي وقتها واتحملوا بقى..".
وقالت هند خالد ابنة المعتقلة هدى عبدالمنعم "بمناسبة البرد في مصر السنادي  .. كان في بوست بيتكلم على ان البيوت في مصر اصلاً مش معزولة كويس عشان كده الناس بردانة حتى جوة بيوتها .. عمالة افكر في المعتقلين كلهم وفي أماكنهم وبالأخص العقرب اللي الناس فيه متعرفش حاجة عن العالم الخارجي أصلاً ".
وأضافت "الناس دي محرومين من الزيارة بقالهم سنين .. محدش بيشوفهم ولا بيشوفوا حد ..  المرض مش سايب حد فيهم في ظروف حبس غير آدمية بتخلي الوضع يسوء أكتر محرومين ان يدخلهم اكل نضيف لبس نضيف وتقيل ممنوعين يدخلهم بطاطين .. محرومين من أقل حقوقهم القانونية  ! .. متنسوش معتقلين العقرب من دعاءكم .. ربنا يلطف وينجيهم ".
أما عبدالله وهدان شقيق أحمد طه وهدان -أعدمته سلطات الانقلاب و8 آخرين باتهام باطل بقتل النائب العام السابق هشام بركات- وابن القيادي محمد طه وهدان فكتب عبر (Abdallah Wahdan) "يارب لنا احباب فى سجن العقرب  منع عنهم الزيارة من فترة طويله ولا نعرف عنهم شئ .. فيارب احفظهم بحفظ من عندك وانزل عليهم سكينه ورحمه من عندك اللهم فك أسر اخي وإخوانه جميعا ..  وفرج كربهم اللهم اشفى مريضهم وداوى جريحهم .. اللهم امنهم من خوف واطعمهم من جوع .. #افتحوا_الزيارة".