أطلق نشطاء هاشتاج #هيثم_البنا_فين للتضامن مع هيثم البنا الذي اعتقلته داخلية الانقلاب فجر الأحد الماضي، من منزله، ولم يظهر من حينها حتى الآن، وجرى إخفاؤه قسريا بتهمة كتابة بوست عن ذكرى ثورة يناير، بحسب عائلته.
وقالت عائلته: " كل الموضوع إنه حط بوستين علي صفحته بيفتكر فيهم ثورة يناير ".
وقال هدى محي الدين @Hmohie "هيثم البنا شاب محترم خدوم سلمي  الى اقصى درجة كل اللي عمله انه كتب كام بوست في ذكري ثورة يناير بيفتكر فيها حلمه  .. جات قوة أمنية اخدته من البيت يوم الاحد بالليل وماظهرش في النيابة لغاية دلوقتي."
أما أحمد حسن مكاوي @MahaElmekawy فكتب "اوعي تكوني محتاجة حاجة وما تكلمنيش اخوكي موجود .. دي مكالمة هيثم معايا كل فترة وحقيقي مهما اكتب عن جدعنته  مش هااكفيه حقه .. هيثم في حاله ما لوش غير امه وشغله .. هيثم اتخطف من بيته من يوم الاحد ومش عارفين هو فين حتي الان لم يظهر في اي نيابة".
وأضاف محمود المصري عبر فيسبوك "الصديق العزيز و الشاب الخلوق الجدع هيثم البنا.. السند لوالدته و الجدع اللي أول واحد يساعد القريب و الغريب.. صاحب القلب الرحيم على الإنسان و الحيوان..صديقي العزيز هيثم زي غيره كتير احتفل بذكرى الثورة و كتب ذكرياته و أمانيه على وسائل التواصل لكن الظاهر حتى الذكريات و الأماني أصبحت ممنوعة".
وأضاف "و من غير أي سابق إنذار يوم الأحد ٣٠ يناير دخلت عليه و على أمه في البيت قوة أمنية مسلحة ميري و مدني و أرهبوا اللي في البيت و فتشوه و أخذوا بعض أشياء و أخدوا هيثم معاهم و لغاية دلوقتي لا أمه و لا أي حد يعرف هو فين!!!! هو زائر الفجر مالوش نهاية؟؟".

وقال آخر "هيثم البنا شاب مافيش الطف ولا اجدع منه. صاحب صاحبه. محترم. مؤدب. حنين. خدوم. دايما موجود لو اي حد محتاج اي حاجة. هيثم من الشباب اللي جريمتهم الوحيدة انهم آمنوا بثورة يناير وشاركوا فيها وانضم زي غيره لحزب الدستور علشان يحقق الحلم. بس زي كل الشباب بقاله سنين بعد عن السياسة وعن اي حاجة متعلقة بيها. انشغل بنفسه وبشغله وخدمة ورعاية مامته ربنا يديها الصحة. . هيثم كتب بوست الاسبوع اللي فات بيفتكر فيه بس ثورة يناير وايامها. ماشتمش حد. ما حرضش حد. ما دعاش حد يتظاهر ولا يعارض حتى. يوم الحد بالليل الباب خبط ففتح لقى قوة أمنية مسلحة بمدافع رشاش بتقتحم الشقة وداخلين على مامته اللي كانت على سجادة الصلاة. فتشوا البيت واخدوه.. من يوميها هيثم ما ظهرش لا في قسم ولا في نيابة.   هيثم مخطوف علشان كتب بوست على فيسبوك. هيثم مختفي وماحدش عارف له طريق. هيثم اتاخد من امه اللي كان قاعد لوحده معاها وبيرعاها وبيخدمها وبياخد باله منها.

 … حرام حرام . حسبي الله ونعم الوكيل. ".
وعلق هيما @AhmedISaed "بقالة ٣ ايام مختفي قسريا بعد القبض علية من بيتة من قوة امنية َو اختطافة، طبعا هَو لم يفعل حاجة تدعو لاعتقالة و هو مش منخرط في اي نشاط سياسي و لا حزبي و ذنبة بس انه شارك في ثورة يناير، هو من اجدع و اشجع و اخلص الناس اللي تعرفها في حياتك".