اهتمت مواقع التواصل برسالة ابن معتقل وجدتها أمه داخل كتبه، تظهر مدى الألم والمعاناة التي تعيشها أسر المعتقلين في مصر.
وعنون الطفل رسالته التي عثرت عليها والدته وسط كتبه، ب"قصة حياتي" وختامها ب"بابا وبس".
ونصت الرسالة:
أنا بحب بابا، اسمي "عمر عصام محمد محمود عقل"، ولدت في الإسكندرية بمدينة برج العرب الجديدة.

أبويا اتحبس وأنا في سن صغير جدًا، وأنا عندي أربع سنين ملحقتش أشبع بيه للأسف.. أنا كنت شقي جدًا أنا وأخويا.. وماما بقالها سبع سنين ونص مستنيين من سجن لسجن من محكمة لمحكمة من مديرية لمديرية لغاية ما خد إعدام شنقًا.

ماما أول ما سمعت الخبر أغمي عليها، كانت متوقعة براءة لأنه سياسي.. بابا الأول كان محبوس في قضية الصفوة وبعد سنة وشهرين من اعتقاله خد براءة، بس حطوه في قضية تانية وهو في السجن اسمها 108 عسكرية، المفروض إن هو خد فيها إعدام وبقاله سنين في الإعدام.

من الآخر أنا يتيم أب وحيد أب بتذل من اللي يسوى واللي ما يسواش، صحابي بيقولولي ياللي أبوك واخد إعدام، أخويا ملحقش يشبع ببابا خالص لأنه اتحبس وهو عنده سنة ونص، نفسي يطلع ويكمل حياته معانا.

بابا وبس.