ينظِّم اليوم شباب الحملات الرئاسية المختلفة بمدينة نصر ومصر الجديدة لقاءً يجمع كل شباب مدينة نصر ومصر الجديدة، وكل الائتلافات والرموز الوطنية لتحديد كيفية العمل في الفترة المقبلة لإسقاط مرشح الفلول.

وقال الشباب في دعوتهم إلى الاجتماع الذي يُعقد بنقابة العلميين خلف السراج مول بمدينة نصر في الساعة السابعة مساءً: "نختلف مش عيب.. نزعل من بعض كمان برضه مش عيب.. ممكن نزودها ونغلط في بعض.. الإخوات ساعات بيضربوا بعض كمان.. لكن عمرهم ما هيسمحوا لحد يغلط فى أمهم أو يؤذي بنتهم.. مصر أمنا والثوره بنتنا.. اللي هيقرب منهم هناكله.. استحملنا سنة ونص مهازل وكذب ونفاق وقلنا كله يهون عشان مصر وثورتنا.. لكن نوصل لمرحلة ثورة أو لا ثورة.. هو ده بالظبط الحياة أو الموت.. الألف شهيد بتوع الثورة أرواحهم مش رخيصة كده.. وإخواتهم اللي حصلوهم في ماسبيرو ومحمد محمود ومجلس الوزراء والداخلية والعباسية أرواحهم برضه مش رخيصة".

وأضافوا: " الـ15 ألف مصاب بعاهات مستديمة ماكانوش بيهرجوا.. اللي عينيه راحت بيعيط دلوقتي بعين واحدة.. نفسوا يشوف الخير بعين واحدة.. مفيش إحباط... مفيش يأس.. كتفي في كتفك.. إيدي في إيدك.. اثبت جنبي.. ننقذ ثورة.. وما تنسوش أهم حاجة: "ويمكرون ويمكر الله والله خير الماكرين".

واختتموا دعوتهم قائلين: "بالعدل" "سنحيا كرامًا" فى"مصر القوية" "بمشروع النهضه" من أجل كل "واحد مننا".
رابط الدعوة على الفيس بوك:

http://www.facebook.com/events/420658937954655/