ماما قولي لي
امتى هايرجع بابا حبيبي
طالت غيبته بجد يا ماما
قلبي يا ماما مش مستحمل
فكري يا ماما راح يتشتت
حالتي يا ماما مش كالعادة
زي ما بابا كان ويياي
مش قلتلنا يا ماما
بابا جاي بسرعة؟
مر علينا شهر اتنين
لا دا اتناشر شهر.. يا ماما!!
ليه ما ارجعشي حبيبي يا ماما؟
ليه ما راجعش حبيبي يا ماما؟
عارفه يا ماما لو يوم يرجع
هاخده في حضني
هاعيش جواه
هاملا عنيَّه منها يا ماما
هافضل ماشي في ضل حبيبي
هافضل رايح جاي معاه
عارفه يا ماما لو يخدوه؟
هاروح وياه
جوه السجن هعيش معاه
جوه السجن هاكون في الجنة
لما بابا يكون ويّايا
ابني حبيبي الروح تفديك
إنت وبابا حبي وحبك
ربي القادر
يسمع مني ومنك
ويرد لنا نور العين
شايفه يا ماما
عامر إبنك
ويّا أماني
في البلكونة بينتظروه
سامعة يا ماما
دا بيتواعدوا
إنه يخلو بيتنا جنة
لما يرجع بابا حبيبي
عارفة يا ماما
إيه راح يحصل
لما هايرجع
كتفي في كتفه
نسجد نرجع
إيدي في إيده
ولدعوتنا نعيش أيامنا
ولدعوتنا نعيش أيامنا
ابني حبيبي الله يحميك
طالع راجل زي أبوك
عارف يا بني إيه كان حلمه؟
إنه يشوفك
راجل دعوة إنت وأخوك
إنه يشوفك
تحمي بلادك م الخاينين
م اللي ف باطنه واكل خيرها
واللي عامل للأعداء
خده مداس
وبينداس ع الخدين
وابو وشين
واللي يزوَّر رأي الناس
عارفة يا ماما
إن أبويا لما خدوه
فتحوا عيني ع الأحوال
علَّموا إبنك درس كبير
علموا إبنك إن يغير
ع الأوطان
وإن حياته.. مهيش ليه
لأ.. لبلاده.. ولإسلامه
علموا إبنك..
إنه يعيش للناس
علموا إبنك
إن يكون لله
كل حياته
زي أبوه..
يحميك يا ابني..
لما بابا يوم راج يرجع
منك يسمع
إنك ماشي على منهاجه
راح يستعذب طول الحبسة
يعرف إنه المولى..
حافظ دايمًا لأولاده
وبيصنعهم تحت عنيه
شكرَاً شكرًا يا رباه
إحنا عبيدك وانت إله
زى ما تقضي إحنا بنرضى
زي ما تأمر إحنا بنعمل
شكرًا شكرًا يا رباه
