الشخصيات :   1ـ الحاج     2- العمدة     3- أبو اسكندر      4- الإعلامي

عمدة..

أبا الحاج..

حمدا الله على السلامة.. نورت البلد

البلد منورة بأهلها

أُمَّال فين أبو اسكندر

آديني جيت أهه يا أبه

كملت يا جدعان

زي أيام زمان

ما أحلاها أيام الميدان

يا سلام

كانت أيام

كنا كلنا إيد واحدة

مسلم ومسيحي

قبلي وبحري

ستات ورجالة

شباب وشياب

يا سلام

لو ترجع دي الأيام

إن شاء الله هتنزاح الغمة

وترجع اللمة

وتتوحد الأمة

لما ننتخب ريسنا الجديد

الكل هيبقى سعيد

ويلبس جديد في جديد

وبلدنا تبقى عمار

عمار يا مصر عمار

يا ترى إيه الأخبار

أخبار إيه

أخبار الانتخابات

خلينا نشوف (يفتح التلفزيون.. (عبارة عن إعلامي على وجهه شاشة وفوق رأسه إريالين)

 

الإعلامي: رجعوا في كلامهم ونزلوا مرشح.. خانوا العهد.. أخلفوا الوعد.. يا للهول.. يا للهول..

- أموت وأعرف.. الجدع ده عامل مناحة ليه.. وعم بيتكلم على مين

- ده بيتكلم على الناس العترة اللي كانوا معانا في الميدان

 ووقفوا مع الرجالة في معركة الجمل

- كيف يتكلم على أجدع ردالة كده.. عم بطخوا عيارين..

- اصبر بس يا عمدة.. احنا مش يا ما هتفنا.. سلمية

- أنا هروح افتحلوا نافخوا..

- من بعد الثورة.. كل واحد ياخد حقه بالأنون

- إحنا نرد عليه الأول.. وبعدين نشوف أخرتها معاه

- يا لا بينا يا ردالة

- انت ياد انت.. ليه شغال تلسين على الناس المحترمين..

 

الإعلامي: أوه ماي جد.. إيه ده.. انت متعرفنيش يا أونكل

- شُنكل لما يقصف رجليك..

عم تكون مين يعني

انت واحد من اتنين

يا تبع الحكومة.. واللي معينك صفوت الشريف أو معين سيدك أو سيد سيدك.. ودول عايزين يخربوا البلد.. ويجيبوا عاليها واطيها..

شان ينتقموا من اللي ذلوهم وسجنوهم..

يا تكون تبع الخصوصي.. وبتهبر وتلغ فلوس.. بيدفعهالك اللي هبروا مصر في كروشهم.. أراضي ومناجم.. وهلم جرا.. وخايفين حد

حترم يجيي يقولهم : من أين لك هذا؟!

 

الإعلامي: أرجوك.. سيبني أشوف شغلي

يا ريتك تشوف شغلك.. بس تشتغل بشرف..

تشتغل بما يرضي الله

تشتغل لصالح البلد وولاد البلد

مش تكذب وتفتري على الناس المحترمة

طول عمركم كدابين.. قولنا الثورة هتنضفكم..

لكن يظهر ما فيش فايدة

 

الإعلامي: هو مشا أنا قلت الحق برضه.. مش هما اللي رجعوا في كلامهم ونزلوا مرشح؟!

- حق إيه اللي انت جي تقول عليه.. انت عارف قبله معنى الحق غيه.. لما تتكلم عليه.. يا ظالمني

حق مين ياد.. جاك كسر حقك

شوف يا .. لو أنا حلفت ما انزل البحر تاني.. وبعدين وانا ماشي على الشط لقيت ابنك بيغرق.. أنزل الحقه ولا اسيبه..

رد.. ردت الميه في زورك..

عايزهم يسيبوا مصر تولع.. وهما يتفرجوا عليها..

 

الإعلامي: يطفوها.. وبعدين يكوشوا.. يكوشوا.. يكوشوا على كل حاجة..

- وله.. انت عبيط.. ولا شكلك كده.. يا له

نجيبك يمين.. تروح شمال..

هما مين دول ياد اللي يكوشوا

هنسألك سؤال.. لو انت مثأف.. وابن مثأف.. زي ما بتقول.. تجاوب عليه

اللي كوشوا على كل حاجة دول

اتعين لهم كام محافظ

أو كام وزير

أو كام سفير

أو كام مدير

أو حتى كام غفير

رد ياد ردت الميه في زورك

وعملي مثأف..

وانت متعرفش الألف من كوز الدرة

آه يا ضلالي..

جتك ستين خيبة..

لأنك عارف.. إن متعينش لهم ولا واحد من دول..

وآل إيه.. بيكوشوا آل..

 

الإعلامي: كانوا عملوا لنا إيه في مجلس الشعب لما انتخبناهم.. عملوا لنا إيه.. هه

- ما هو اللي على البر عوام

واللي ميعرفش يقول عدس

يا كش انت فاكرهم خاليين شغل زيك ومورهمش حاجة غير القعدة في التلفزيونات ويقبضوا شيء وشويات

شوف يا غلبان.. هو مجلس الشعب ده سلطة تنفيذية ولا تشريعية

يعني لما تجيب نجار يصلح لك البيبان والشبابيك.. ينفع تشتكي عليه إنه مصلحش التلاجة والتلفزيون

الحكومة اللي معينها المجلس العسكري بتخرب في البلد.. يقوم نجيب اللوم على المجلس اللي عايز يشيلها

ثم إن المجلس في 3 تشهر بس عمل حاجات كتيرة من اختصاصه.. بس الإعلام مغمي عليها

رفع تعويضات شهداء الثورة والعجز الكلي من 30 لميت ألف

وثبت المؤقتين في الوظايف خلال 6 أشهر

وخلا الثانوية العامة سنة واحدة عشان يخفف عن الناس الغلابة

ومنع إحالة المدنيين للقضاء العسكري

وحدد الحد الأدنى والأقصى للأجور ولسه ربنا يفرجها كمان وكمان

وقانون عزل الفلول

ولجنة تقصي حقائق بورسعيد التي قدمت العشرات من الضباط والبلطجية للمحاكمة

وحل مشكلة الحوالات الصفراء بتاعة الغلابة اللي كانوا في العراق

واعتمد مشروع الجسر البري بين مصر والسعودية

ووقف توزيع الأراضي بالهبولي كده لغاية متتحط قواعد عادلة

وألزم الحكومة بدفع التعويضات للغلابة اللي ماتت مواشيهم بالحمى القلاعية

وعمل هيئة العليا للحج والعمرة عشان ميتنصبش على الناس

واتفق مع الأوربيين على تطهير أراضي مصر من حقول الألغام

وبعدين احنا عايزين من مجلس الشعب أن يصلح في 3 أشهر اللي أفسده مبارك في 30 سنة؟! مش لما يبقوا يمسكوا الحكومة نبقى

حاسبهم؟!

 

الإعلامي: لازم نعمل توازن.. عشان حد يراقبهم

جاك مخبر من أمن الدولة.. يراقبك ويطلع عينيك

مت قول كلام عدل يا اد يا هبل انته

هو انت.. خالف تعرف

يعني عايز تفهمنا.. ان الصح.. تجيب ناس مخصوص.. عشان يعاندوا ناس..

يبقوا خلف خلاف..

وحال البلد يتوقف.. ومصالح العباد تتعطل

بص كده يمينك وشمالك

شوف كل البلاد الديمقراطية اللي ماشية زي الناس

البرلمان هو نفسه اللي بيشكل الحكومة وهو اللي بيأيد الرئيس من نفس الحزب عشان الأمور تمشي

ولو محصلش كده الحال بيقف.. وكل شوية انتخابات جديدة ومشاكل ما لها أول ولا آخر

بص على تركيا كده.. ما شاء الله عليها.. إيه الحلاوة دي.. ريِّس وحكومة وبرلمان.. وآخر حلاوة ونغنغة

محدش قال عليهم تلت التلاتة كام.. زي المتاعيس.. اللي بيفكروا ازاي يوقفوا حال بلدنا.. الله يوقف حالهم

ويقولوا مفكرين قال.. بلا خيبة

ولو معجبوكش.. مش هنروح بعيد.. كلها 4 سنين.. وتنتخب حد غيرهم على مزاجك..

 

الإعلامي: لسه هنستنا.. مش ممكن.. مصر كبيرة عليه.. يطلع مين ده

وله.. انت عبيط يا له.. ولا شكلك كده..

في حد في مصر كلتها ميعرفوشي.. أستاذ دكتور باشمهندز محمد مرسي

أستاذ ورئيس قسم المواد بكلية الهندسة جامعة الزقازيق..

اللي اتدرب وهو طالب في أكبر مصانع الصلب في العالم في السويد والبرتغال

اللي عمل ماجستير في الطاقة الشمسية

ودكتوراه في حماية محركات مركبات الفضاء..

واشتغل في مشروع تطوير محركات مكوك الفضاء اللي بتطلعه وكالة ناسا الأمريكية.. يعني عالم بحق وحقيق

وكمان درَّس في جامعات القاهرة.. والفاتح في ليبيا.. وكاليفورنيا في أمريكا..

واختاروه رئيس للكتلة البرلمانية لنواب الإخوان المسلمين بمجلس الشعب 2000 – 2005م..

وقدم كتير من طلبات الإحاطة والاستجوابات وبخاصة عن كارثة قطار الصعيد وعمارة الموت في مدينة نصر..

وعشان كده اختاروه الناس اللي بتفهم.. أحسن برلماني في العالم..

ولما اتعملت انتخابات 2005 وفاز للإخوان 88 نائب.. حبيب العادلي كان راسوا وألف سيف.. ما ينجح الدكتور محمد مرسي

الذات..

تفتكر ليه كله إلا الدكتور محمد مرسي.. ليه يا نبيه.. ليه

عشان عارفين قيمته.. وخايفين منه..

وعشان كده.. الحملة عليه اليومين دول واعرة قوي قوي.. عشان رادل من دهر رادل..

مش بس كده.. ده كمان شارك في تأسيس الجمعية الوطنية للتغيير مع المرحوم عزيز صدقي

واعتقلوه لما نزل مع الناس المحترمة في المظاهرات ينادي باستقلال القضاء سنة 2006م..

وكمان اعتقلوه يوم الخميس 27 يناير 2011م .. تعرف ليه

عشان دوره الكبير قوي في الترتيب والدعوة لجمعة الغضب 28 يناير..

والإخوان المسلمين عشان عارفين قيمته.. اختاروه ريس لحزب الحرية والعدالة

وعشان بيحبوا مصر بحق وحقيقي.. شافوا إنه أحسن واحد ينفع.. ورشحوه للرياسة

 

الإعلامي: ليه.. هيه مصر عربية.. عشان ينزلوا لنا.. واحد احتياطي.. إستبن..

- إستبن؟!!.. اخص عليك يا قليل الأصل

لو اهلك ربوك صح.. لو كنت تعرف في الأصول.. مكنتش تقول كده.. على واحد كريم ابن أُصَلَه 

لكن العيب لما يطلع من أهل العيب.. ميبقاش عيب

بقى بدل ما تشكر الراجل المحترم.. اللي ساب الشغل في أمريكا ودولارات أمريكا.. وجه عشان يخدم بلده..

وعمره ما رشح نفسه لأي منصب

ولما الجماعة حست بإن فيه ملعوب كبير قوي.. تتكتوا صح.. ورشحوا اتنين ميتخيروش عن بعضيهم

عشان لو واحد اتشال.. التاني يسد طوالي

زي ما بيعمل المدربين المحترفين في الكورة.. بيخلوا الخطيب ولا أبو تريكة ولا جدو.. ينزل يكسبهم.. ويخلص الماتش

والراجل المؤدب المحترم مقلش لأ عشان مصلحة البلد

وفضل يعمل دعاية للمهندز الشاطر

ولما حصل الملعوب.. واتغير الحال.. الشاطر بقه هوه اللي بيعمل له الدعاية

عمرك شفت حد عمل زي كده.. قبل كده..

حصلت مرة واحدة في العالم.. في تركيا..

لما اتمنع أردوغان.. اترشح عبد الله جول لرئاسة الوزراء.. وبعدين بكل حب بدلوا المكان..

وبقه عبد الله جول ريس وأردوغان رئيس وزراء.. وبقت تركيا في احسن حاله

عقبالنا يا رب.. عقبالنا يا رب.. لما ينجح مشروع النهضة

 

الإعلامي: ويطلع إيه ده كمان.. مشروع النهضة.. اللي طايرين لنا بيه السما..

وعاملي مثأف قال..

شكلك كده مبتعرفش حتى تفك الخط

هز طولك شوية.. وكلف خاطرك.. وامسك أي ورقة في جرنان ولا على النت عن المشروع واقراها

وكفاية بس تعرف.. إن مشروع النهضة قايم على المرجعية الإسلامية..

وإن اللي قايم على المشروع لجان استشارية متخصصة..

ومئات الخبراء في كل المجالات.. التعليم والصحة والبيئة والبطالة والتنمية الزراعية والصناعية والسياحة...إلخ.. إلخ..إلخ

وناس زارت أكثر من 50 دولة عشان تنقل تجاربها

ووصلوا لـ 25 تجربة رائدة..عشان يكون مشروع النهضة جامع لكل تجارب النجاح في العالم

الإعلامي: ياما فيه مشاريع كتيرة على الورق..

شوف يا فصيح أفندي.. الشعب المصري ده أذكى شعب في العالم..

وعارف كويس قوي.. إن الميه تكدب الغطاس..

نديهم فرصة يعملوا حاجة..

ودول مش أي ناس.. دول بقالهم بقالهم 80 سنة شغالين..

رغم السجن والتعذيب ومصادرة أموالهم.. ومع كل ده.. وبرده شغالين

يا ما نزلوا الشوارع وهات يا كنس وزرع شجر ومساعدة غلابة ومحو أمية.. عشان يخلوا بلدنا ميه ميه..

الوقتي لما نديهم سلطة ينفذوا مشاريعهم.. تفتكر هيخيبوا يعني..

شوفت الدكتور محمد مرسي مرشح حزب الحرية والعدالة لرئاسة الجمهورية

لما أعلن أن 15 شركة عالمية وقَّعت مكاتيب مع حزب الحرية والعدالة

ومضوا كنونراتو معاهم يجيبوا لمصر استثمارات.. بيجي كده أكتر من 200 مليار دولار

وعلى فكرة.. الاستثمارات دي هتوفر أكثر من 2 مليون فرصة عمل.. في 4 سنين بس.

بس خد بالك.. الأجانب دول مبيعرفوش الهزار واللعب..

دول شرطين شرط معاهم حق فيه..

إنهم يتعاملوا مع حكومة محترمة ورئيس محترم..منتخب من المصرييين كلتهم..

الإعلامي: ويا ترى الرئيس ده.. حيحكم من دماغة ولا حيآخد أوامره من المرشد..

وله.. ما لك يا له.. ما انتاش مظبوط ليه يا وله.. مش على بعضك

يا كش يا اعمى البصيرة منتاش شايف الدكتور سعد وهو سعد.. وهو كده في البرلمان ملو هدومه

والكبير والصغير.. والمؤيد والمعارض بيحترمه ويقدره.. وبيحب على راسه كمان

عشان زوقه وأدبه

عمرك شفت الدكتور الكتاتني دهه.. راح للمرشد.. وخد منه تعليمات

عيب عليك.. كده دونا عن الناس تفترتي عل العالم المحترمة وتقول كده.. عيب

الإعلامي: مش انا لوحدي اللي مش عايزهم.. ناس كتير ضدهم..

هيا فوضى.. طبعا لازم يكون فيه ناس كتير ضدهم..

طبعا ناس كتير مش عاوزينهم.. عد معانا :

مخابرات إسرائيل وأمريكا وغيرها وغيرها وغيرها.. تفتكر عايزنهم

الفلول اللي ذلوا البلاد والعباد.. تفتكر عايزنهم

الحرامية اللي نهبوا البلد.. تفتكر عايزنهم

الفاسدين والغشاشين.. تفتكر عايزنهم

المنافقين والطبالين والرقاصين على كل لون يا باتستا.. تفتكر عايزنهم

اللي بيحسدوهم وغيرانين منهم.. تفتكر عايزنهم

البغبغانات اللي بيرددوا أي كلام من غير ميعرفوا معناه.. تفتكر عايزنهم

صحيح فيه ناس محترمة بتخالفهم في الرأي.. لكن دول عمرهم ما شتموا الإخوان.. ولا قللوا من حبهم للبلد زيك يا بو وشين..

إنما معظم أهل مصر الطيبين.. بيأيدوا الدكتور محمد مرسي ومشروع النهضة..

أيوه.. أغلب ولاد مصر الطيبين.. بيأيدوا الدكتور محمد مرسي ومشروع النهضة..

والدليل على كده واضح زي الشمس

واللي مبيشفش م الغربال.. يبقى أعمى

الهيئة الشرعية للحقوق والإصلاح اللي فيها أكبر علما في الدين بجد.. أيدوه

وكفاية أن الشيوخ اللي كانوا في التحرير مع الرجالة.. أيدوه..

الشيخ نشأت أحمد والشيخ صفوت حجازي وغيرهم وغيرهم..

واللاعيبه المحترمين المعروفين بأخلاقهم زي أبو تريكة وهادي خشبة أيدوه لكن طبعا محدش من إعلام الغبرة..

جاب سيرة الكلام ده

ولا سيرة الجماهير اللي بتستقبل الدكتور محمد مرسي في كل حتة بيروحها

حد جاب سيرة أهل الدقهلية اللي ملوا إستاد المنصورة

ولا حفلة عيد العمال في إستاد المحلة.. اللي ملوا المدرجات ومكفتش

راحوا ماليين أرضية الملعب.. والشوارع اللي حواليه كمان..

قول ما شاء الله.. لحسن عين الحسود يندب فيها عود..

ولا الشرقية.. وإسكندرية..

وسينا.. والمنيا.. ودمياط..

والمحلة.. وغيرها وغيرها..

ولسه يا ما هتشوف من الناس الطيبة في مصر كلاتها..

واحنا مع الناس الطيبة دي

احنا مع مشروع النهضة

ومع الدكتور محمد مرسي

وحبيبكم مين.. مرسي.. ورئيسكم مين.. مرسي.. وحبيبكم مين.. مرسي.. ورئيسكم مين.. مرسي..

مع مشروع النهضة.. إيد واحدة.. مع مشروع النهضة.. إيد واحدة.. مع مشروع النهضة.. إيد واحدة..

ارفع راسك فوق.. ويا مرسي.. ارفع راسك فوق.. ويا مرسي.. ارفع راسك فوق.. ويا مرسي..