تداول نشطاء رسالة مؤثرة من والدة الباحث العمراني إبراهيم عز الدين، بالتزامن مع اقتراب عيد الأم واستمرار غياب إبراهيم وحبسه لأكثر من 33 شهرا.
وقالت الأم المكلومة: يا إبراهيم وحشتني يا حبيبي دا هيكون تالت عيد أم متكونش معايا يا أبني.. أكتر من 1000 يوم وانت بعيد عن عنيا يا ضنايا. وحشتني يا حبيبي وحشني كلامك وطلتك عليا.ميكفيش الكلام يا حبيبي وحشتي ليك. عامل ايه يبني عامل ايه يا حبيبي موحشكش أكلي موحشكش القعاد معايا موحشكش هزارنا موحشكش حكاوينا وحشتني اوي يا حبيبي وانت كمان وحشتني نفسي تخرج العمر مباقش فيه كتير يا إبراهيم وحشتني يا حبيبي وحشتني اوي"
وتابعت: "في عيد الأم كل أم بتكون نفسها تشوف ولادها متهنيبن وفي احسن حال وانت يا حبيبي في سجن من غير ذنب. بعيد عني وعن كل حبايبك من غير ما تعمل حاجة انا لسا مستنياك يا حبيبي وهفضل مستنياك مستنية رنه الجرس بتاعتك الي عرفاها وعمري ما نسيتها بحضرلك اكلك الي بتحبه مستنية دخلتك عليا يا نور عينيا".
وأضافت: "ربنا يجمعني بيك يا حبيبي ويطفي نار قلبي قبل معادي مستنياك يا نور عنيا مستنياك يا إبراهيم. أنا أم المهندس إبراهيم عز الدين بطالب كل مسؤول مصري بأنه يرجعلي أبني وميحرمنيش منه كلكم عندكم ولاد متبحبوش تحسوا الي حصلي بطالبكم نفسي ابني يفطر معايا أول يوم رمضان ويكون معايا في عيد الأم دا طلب من أم مصرية لمسؤولين مصريين في أيدهم القرار دا أرحموا قلبي وارحموا مستقبل إبراهيم".
